Lög Hnefaleikafélags Reykjavíkur

1. grein Nafn félagsins er Hnefaleikafélag Reykjavíkur skammstafað HFR og er heimili þess og varnarþing í Reykjavík.

2. grein Tilgangur félagsins er þessi: Að kenna og iðka áhugamannahnefaleika (Ólympíska hnefaleika), vera ávallt með bestu mögulegu aðstöðu fyrir æfingar í hnefaleikum og geta veitt börnum, unglingum og keppnisfólki bestu mögulegu kennslu sem völ er á. Að gæta hagsmuna félagsmanna og standa vörð um grundvallarreglur iðkenda hnefaleika.

3. grein Félagsmenn skulu greiða til félagsins og skal upphæð þess ákveðin á aðalfundi.

4. grein Enginn félagsmaður á tilkall til hluta af eigum félagsins, þó hann hverfi úr félaginu eða félaginu verði slitið.

5. grein Reikningsár félagsins er almanaksárið.

6. grein Félagið leggur áherslu á hnefaleika og miðast starfsemi félagsins við að menn keppi eftir þeim reglum sem gilda hjá Hnefaleikasambandi Íslands hverju sinni.

7. grein Stjórn er heimilt að veita viðukenningar fyrir störf í þágu félagsins, eða íþróttaafrek unnin á vegum þess. Útnefning heiðursfélaga og ævifélaga fer fram á aðalfundi.

8. grein Stjórn félagsins skipa fimm menn; formaður, varaformaður, gjaldkeri, ritari og Hver maður í stjórn skal kosinn sérstaklega. Stjórnin er kosin til eins árs í senn. Aðalfundur skal haldinn árlega. Stjórnarkosning fer fram á aðalfundi og skal kosið milli þeirra sem stungið er upp á og gefa kost á sér, verðu atkvæði jöfn ræður atkvæði fundarstjóra. Allir félagsmenn eru kjörgengnir við kosningu til stjórnar.

9. grein Formaður eða tveir stjórnarmenn geta boðað til stjórnarfundar. Afl atkvæða ræður úrslitum á stjórnarfundum. Stjórnarfundur er löglegur ef þrír stjórnarmanna eru mættir, enda hafi allir stjórnarmenn verið boðaðir til fundarins með sannarlegum hætti. Formaður, eða sá sem hann ákveður, skal boða til stjórnarfunda.

10. grein Stjórnin hefur á hendi allar framkvæmdir félagsins á milli aðalfunda. Stjórnin skiptur með sér verkefnum og ákveður starfstilhögun hverju sinni. Stjórnin getur keypt launaða aðstoð, en sjálf vinnur hún launalaust. Stjórnin gerir samning við þjálfara og semur um laun við hann.

11. grein Aðalfundur hefur æðsta vald í málefnum félagsins. Aðalfund skal halda fyrir 1. ágúst fjórða hvert ár. Til almennra félagsfunda skal boða þegar þörf þykir að dómi meirihluta stjórnar, eða þegar minnst 50 félagsmenn óska þess skriflega og tilgreina fundarefni. Aðalfund og félagsfund skal boða bréflega til félagsmanna, með tölvupósti eða annan gjaldgengan hátt með minnst viku fyrirvara. Á félagsfundum má gera ályktanir, samþykkja áskoranir til stjórnar o.s.frv. en ekki afgreiða nein mál sem heyra undir aðalfund, samkvæmt lögum þessum. Í fundarboði skal greina frá fundarefni. Stjórn skal halda félagsfund ekki síðar en 30 dögum frá því henni barst um það beiðni, skv. 2. mgr.

12. grein Aukaaðalfund skal halda ef meirihluti stjórnar telur það nauðsynlegt og skal til hans boðað með sama hætti og aðalfundar og hafa þeir sama vald, enda sé fundarefni tilgreint í fundarboði.

13. grein Tillögur til lagabreytinga skal afhenda stjórn félagsins fyrir 1. desember og birtir stjórnin félagsmönnum þær með fundarboði. Ekki verða greidd atkvæði um aðrar tillögur til lagabreytinga en þær sem birtar eru með fundarboði og breytinartillögur við þær.

14. grein Á aðalfundi skal stjórn félagsins gera skýrslu um starfsemi félagsins á liðnu starfsári og leggja fram endurskoðaða reikninga félagsins.

15. grein Þessi eru störf aðalfundar: 1. Fundarsetning. 2. Fundarstjóri kosinn. 3. Fundarritari kosinn. 4. Fundargerð síðasta aðalfundar lesin og borin undir atkvæði. 5. Heiðursveitingar. 6. Skýrsla stjórnar. 7. Nefndir gera grein fyrir störfum sínum. 8. Endurskoðaðir reikningar lagðir fram. 9. Lagabreytingar. 10. Stjórnarkosning. 11. Kosning formanna fastanefndar. 12. Kosning endurskoðanda og eins til vara. 13. Önnur mál. 14. Fundarslit.

16. grein Stjórn félagsins skal setja reglur um æfingar, telji hún þess þörf, ásamt sérstökum reglum um öryggi og umgengni á æfingarsvæðum félagsins og er félagsmönnum skylt að hlíta þeim. Stjórn skipar yfirþjálfara að fengnum tillögum nefndarmanna og skal hann sjá til þess að æfingar fari fram samkvæmt æfingarreglum, sbr. 1. málgsgrein. Um viðurlög við brotum samkvæmt 1. mrg. vísast til laga ÍSÍ. Félagsfundi er heimilt að víkja mönnum varanlega af æfingum í félaginu eftir ítrekuð eða alvarleg brot samkvæmt 1. mgr. og ræður þar meirihluti atkvæða. Brottvikning af æfingum er einungis heimil, hafi áminning og vítur stjórnar ekki borið árangur. Brottrekinn félagsmaður getur áfrýað slíkri ákvörðun félagsfundar til aðalfundar, eða aukaaðalfundar, skv. 13. gr. og er stjórn skylt að verða við ósk hans um það efni.

17. grein Lögum þessum verður aðeins breytt á aðalfundi með 2/3 hlutum atkvæða hið minnsta, sbr. 13. og 14. gr.

18. grein Félaginu verður ekki slitið nema á aðalfundi og með samþykki meirihluta allra félagsmanna, sbr. 13. og 15. gr.

19. grein Að öðru leyti vísast í áhugamannareglur ÍSÍ.

20. grein Lög þessi öðlast þegar gildi.

Samþykkt á félagsfundi í Reykjavík 23. febrúar 2002